Wiehnachtszyt
's isch stilli Nacht, und d'Hirte hiete d'Härde.
Uff aimol goht dr Himmel uff so wyt,
und's Jesuskindli kunnt zue uns uff d'Ärde,
's isch Wiehnachtszyt fir alli, alli Lyt!

's isch stilli Nacht, do maint me, 's well scho tage,
wil häll e-n-Ängel vor die Hirte tritt.
"Dr Hailand läbt!" so tuet er ihne sage.
"'s isch Wiehnachtszyt fir alli, alli Lyt!"

Zuem Hailand wämmer jetz in lange Raihje,
wo arm und glai uff Strau im Krippli lyt.
Er het uns lieb, drum tiend euch alli fraie!
's isch Wiehnachtszyt fir alli, alli Lyt!
 
Geschrieben von Esther Preiswerk (1887-1974)