Wenn alli Glogge lyte
 
Wenn alli Glogge lyte
vo der Pfalz ins Glingedaal
und sunscht vo alle Syte,
wiirds Wienacht iiberaal.
 
Vor vyyle hundert Joore,
ganz wyt ewägg vo doo
isch s Jeesuskind giboore,
d Maryyaa het s bikoo.
 
Si deggt gar guet ir Kindli
und luegt, ob s au scho lacht.
Vorusse goot e Windli,
s isch stilli, hailigi Nacht.
 
Wenn alli Glogge lyte,
glingt s iber Bäärg und Daal,
und s deent vo alle Syte,
S isch Wienacht iiberall.
 
von Esther Preiswerk (1887-1974)